Орхон аймгийн ИТХ-ын ээлжит 5 дугаар хуралдаанаар үйл ажиллагаа явуулах зөвшөөрлийн хугацаа сунгах хүсэлт ирүүлсэн “Бал Сажа Лэгшад Норовлин” хийд, “Жалданжанчүвлин” хийд, “Төгсбуянт” хийд, “Очир сүм” хийд, “Хутагт ламын Ганданшаддүвлин” хийд, “Есүс Христийн Хожмын Үеийн Гэгээнтнүүдийн Сүмийн Эрдэнэт цуглаан”, “Дэнж хайрын илгээлт” сүм, “Библи судлаач” шашны байгууллага, “Эрдэнэт Дэлхийн гэрэл сүм”, “Эрдэнэт бурхны” сүм, “Монголын илгээлтийн төв”, “Амьд үг-Эрдэнэт” сүм, “Есүсийн чуулган” сүм, “7 дахь өдрийн адвентист” сүм, “Христийн Дааман хаалга” сүм, “Алдарт Христийн Эрдэнэт чуулган”, “Каусар Эрдэнэт Мешит” шашны байгууллагуудын зөвшөөрлийн хугацааг 2025 оны 12 дугаар сарын 20-ны өдрөөс эхлэн тус тус хоёр жилийн хугацаагаар сунгалаа.

Аймгийн ИТХ-ын Ажлын албанаас “Иргэдийн оролцоо, төлөөлөгчийн манлайлал, төрийн үйлчилгээ” нэгдсэн өдөрлөгийг 2025 оны 11 дүгээр сарын 20-12 дугаар сарын 02-ны өдрүүдэд доорх хуваарийн дагуу зохион байгуулна.

Орхон амгийн ИТХ-ын төлөөлөгчид Япон улсад хүүхэд хүмүүжлийн “Токкацу” арга зүйн талаар туршлага судаллаа. Орхон аймаг сүүлийн гурван жилд “Токкацу” арга зүйг сургалтын хөтөлбөртөө ашиглаж байгаа бөгөөд нийт 318 багш энэ хөтөлбөрийн модуль сургалтад хамрагдсан байна. Мөн 20 гаруй багш Япон улсад туршлага судалжээ.

Аймгийн иргэдийн Төлөөлөгчдийн Хурлын ажлын алба, Төсөв санхүүгийн хөгжлийн хорооноос орон нутгийн өмчит байгууллагууд буюу Хот байгуулалт, барилга захиалагчийн алба, Гэр бүлийн ордон, Эрдэнэт цэцэрлэгт хүрээлэн, Нийтлэг үйлчилгээний алба, Цэцэрлэгжүүлэлт ногоон байгууламжийн газар, Хот тохижуулах газар, Их шүтээн цогцолбор, Эрдэнэт шинжлэх ухаан технологийн паркийн үйл ажиллагаатай танилцах, хяналт шалгалтыг 2025 оны 11 дүгээр сарын 17-20-ны өдрүүдэд зохион байгуулна.

БНСУ-ын Сүнчон хотын Хурлын дарга КАН ХЁН ГҮ тэргүүтэй төлөөлөгчид Орхон аймагт ажиллаа

Орхон аймаг, Эрдэнэт хотын 2045 он хүртэлх хөгжлийн ерөнхий төлөвлөгөөг “Нью Урбанизм” ХХК-ийн төлөөлөл өнөөдөр аймгийн ИТХ-ын төлөөлөгчдөд танилцууллаа. Хотын хөгжлийн ерөнхий төлөвлөгөөг боловсруулах ажил 2024 оны 12 дугаар сард Эдийн засаг, хөгжлийн яам, Орхон аймгийн Засаг дарга, “Нью Урбанизм” ХХК-ийн гуравласан гэрээ байгуулагдсанаар эхэлсэн бөгөөд ажлын явц, тулгамдаж буй асуудлуудын талаар хэлэлцлээ.

Аймгийн ИТХ-ын хуралдаанаар Орхон аймгийн “Мэдээлэл шуурхай удирдлагын төв” УТҮГ-ыг татан буулгаж, аймгийн ЗДТГ-ын дэргэд “Теле камерын хяналтын дэд” төв болгон нэр, харьяаллыг өөрчиллөө. Ингэснээр тус газрын үйл ажиллагааг илүү боловсронгуй болгож, хяналтын болон дуудлага мэдээллийн нэгдсэн системүүдийг төвлөрүүлэхэд нэг шат урагшлах юм. Мөн хуулиараа хувийн хэвшлийн аж ахуйн нэгж байгууллагын гадна талын хяналтын камерийг уг системд холбох боломжтой бөгөөд цагдаагийн албан хаагчийн хяналтад 24 цагаар төр, хувийн хэвшлийн камерийг шүүж, гэмт хэрэг зөрчлийг ирүүлэх боломжтой болох юм.

Аймгийн ИТХ-ын даргын захирамжаар байгуулагдсан удаашралтай байгаа хөрөнгө оруулалтын ажилтай танилцах ажлын хэсэг өнөөдөр хуралдаж, Эрдэнэт цэцэрлэгт хүрээлэнгийн зүүн талын хэсэгт тоглоом суурилуулах ажил, наадмын талбайн хүүхдийн паркийн төлөвлөлт, цаашид хийж хэрэгжүүлэх ажлын талаарх мэдээлэл сонсож, үйл ажиллагаа сайжруулахтай холбоотой санал солилцлоо.

Аймгийн ИТХ-ын төлөөлөгч Н.Отгонбилэг, Б.Мөнхзаяа, Ч.Болор-Эрдэнэ, Ц.Мөнхмандах, С.Бямба-Оргил нар аймгийн ИТХ-ын даргын баталсан удирдамжийн дагуу 2025 оны хөрөнгө оруулалтаар хийгдэж буй А1002 замын ажлын явцтай 2025 оны 6 дугаар сарын 16-ны өдрийн 14:00 цагт газар дээр нь очиж танилцлаа.

Монгол улсын хэмжээнд зохион байгуулагдсан Монголын хүүхдийн спортын зуны VIII их наадамд Орхон аймгийн шигшээ баг түүхэн амжилт гаргаж, 21 аймгаас багийн дүнгээр тэргүүн байрт шалгарч, их наадмын цомын эзэн болсон. Тэгвэл өнөөдөр их наадамд амжилт үзүүлсэн баг тамирчдад Орхон аймгийн иргэдийн Төлөөлөгчдийн Хурал, Засаг даргын Тамгын газар, Биеийн тамир, спортын газар, Боловсролын газар, Соёл урлаг, аялал жуулчлал, залуучуудын газраас талархал илэрхийлж, Амарын талбайд хүндэтгэл үзүүлэн мөнгөн урамшуулал олгохоор боллоо.

Сар бүр төлөөлөгчдөд орон нутгийн цаг үеийн мэдээлэл хүргэдэг Мэдээллийн цагаар • Татварын хуулийн дагуу хувь хүн хуулийн этгээдэд олгож буй хөнгөлөлтүүдийн тухай • Хотын дотор болон гадна байрлаж буй грашуудын судалгаа цаашид авах арга хэмжээний тухай • Европын сэргээн босголт хөгжлийн банкны хөрөнгө оруулалтаар хийгдэх Гамшигт тэсвэртэй хот төслийн явц, • Орон нутагт үйл ажиллагаа явуулж буй барилгын компаниудтай хийсэн гэрээний тухай танилцууллаа.

Аймгийн ИТХ-ын төлөөлөгч С.Эрхэмбаяр, Ц.Оргилболд нар 2025 оны 6 дугаар сарын 3-нд Согоот багт хийгдэж буй хөрөнгө оруулалтын ажилтай танилцлаа.

Орхон аймгийн Баян-Өндөр сумын Уртын гол багийн Баян талын хэсэгт амьдардаг иргэдээс тус багт хийгдэх үерийн далангийн ажлын талаар мэргэжлийн байгууллагуудаас асуулт асууж санал солилцох хүсэлт ирүүлсний дагуу аймгийн иргэдийн Төлөөлөгчдийн Хурлын төлөөлөгч Д.Ганболд аймгийн удирдлагуудад хүсэлт тавьж 2025 оны 05 дугаар сарын 20-ны 18:00 цагт Нутгийн удирдлагын ордны А.Амарын танхимд уг арга хэмжээг зохион байгууллаа.

Орон нутгийн хэмжээнд зээллэгийн хөрөнгөөр хэрэгжүүлэх төсөл, арга хэмжээний саналыг нэгтгэх, явцын мэдээллийг авах, ажлын уялдаа холбоог хангах зорилгоор аймгийн ИТХ-аас байгуулагдсан ажлын хэсэг өнөөдөр хуралдаж, эхний ээлжид үнэт цаасаар санхүүжүүлэх төсөл арга хэмжээний саналтай танилцлаа.

Аймгийн ИТХ-ын даргын захирамжаар сар бүрийн хоёр дахь долоо хоногийн Лхагва гарагт орон нутгийн цаг үеийн мэдээ мэдээллийг аймгийн ИТХ-ын Төлөөлөгчдөд цахимаар хүргэх мэдээллийн цагийг зохион байгуулахаар болсон. Энэ сарын мэдээллийн цагаар өнгөрсөн долоо хоногт Орхон аймагт болж өнгөрсөн Эдийн засгийн форумын талаарх мэдээллийг Төлөөлөгчдөд хүргэлээ. Орхон аймаг 2017 оноос хойш хоёр жилд нэг удаа Эдийн засгийн форумыг зохион байгуулж байна.

Аймгийн иргэдийн Төлөөлөгчдийн Хурлын даргын 2025 оны 04 дүгээр сарын 02-ны өдрийн А/116 дугаар захирамжаар байгуулагдсан ажлын хэсэг өнөөдөр хуралдлаа.

Аймгийн иргэдийн Төлөөлөгчдийн Хурлын 2025 оны 03 дугаар сарын 24-ний Ээлжит хуралдаанаар Орон нутгийн өмчит компаниудын хувьцаа эзэмшигчдийн төлөөллийг томилон баталсан билээ. Уг тогтоолын хэрэгжилтийг хангаж орон нутгийн өмчит компаниудын хувьцаа эзэмшигчдийн анхдугаар хуралдаан 2025 оны 04 дүгээр сарын 30-ны өдөр Нутгийн удирдлагын ордны А.Амарын танхимд хуралдаж Орон нутгийн өмчит компаниудын төлөөлөн удирдах зөвлөлийн гишүүдийг сонгон шалгаруулсан ажлын тайланг хэлэлцлээ. Ажлын хэсгийн танилцуулсан “Эрдэнэт Ус ДТС”, Жаргалант Ус ДТС” орон нутгийн өмчит компаниудын Төлөөлөн Удирдах Зөвлөлийн гишүүнд томилуулахаар нэр дэвшүүлсэн нэр бүхийн хүмүүсийг дэмжив.

Аймгийн иргэдийн Төлөөлөгчдийн Хурлын Төсөв санхүүгийн хөгжлийн хороо, ажлын алба Орон нутгийн өмчийн газарт ажиллаа. Танилцах ажлын хүрээнд өмчийн харилцаатай холбоотой хууль, эрх зүйн хэрэгжилтийг хэрхэн ханган ажиллаж байгаа, орон нутгийн өмчит хуулийн этгээдүүдийн үйл ажиллагааны явц байдал, орон нутгийн өмчийн хөрөнгийн хөдөлгөөн бүртгэл, хяналт, ашиглалт, хадгалалт, хамгаалалтын чиглэлээр хэрэгжүүлж буй бодлогын хэрэгжилттэй тус тус танилцаж, орон нутгийн өмчийн үйл ажиллагаанд баримтлах бодлогыг шинэчлэх талаар санал солилцлоо.

Орхон аймаг Баян-Өндөр сумын Найрамдал багийн 49-53 дугаар гудамжны болон Их хаадын цуваа хотхоны иргэд, оршин суугчдын өргөдөл, гомдол, хүсэлтийн дагуу аймгийн ИТХ-ын төлөөлөгч Г.Ганбаатар Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 39.1.7 дахь заалтын дагуу аймгийн Засаг дарга Б.Зоригтбаярт асуулга тавьж хариулт авлаа. Уг асуулгад аймгийн Засаг дарга Б.Зоригбаяр болон ЗДТГ-ын холбогдох хэлтэс агентлагийн удирдлагууд болон мэргэжилтнүүд мөн Найрамдал багийн иргэд оролцож аймгийн Засаг дарга Б.Зоригтбаяраас асуулт асууж хариулт авлаа.

Нийслэлийн ИТХ-ын дарга А.Баяр Орхон аймгийн ИТХ-ын Төлөөлөгчдийг хүлээн авч уулзлаа. Орон нутгаас зорьж ирсэн зочдыг НИТХ-ын Төлөөлөгч, Засаглал, эрх зүйн хорооны дарга Б.Сэмжидмаа, НИТХ-ын Ажлын албаны дарга Б.Батбямба, Захиргаа, удирдлагын хэлтсийн дарга М.Халтар нар угтав. Зочин Төлөөлөгчид нийслэлийн ИТХ-ын хуралдааны үйл ажиллагаа хэрхэн, ямар байдлаар явагддаг, Нийслэл Улаанбаатар хотын богино, дунд, урт хугацааны төлөвлөгөөг хэрэгжүүлэхэд Тэргүүлэгчид төдийгүй, нийслэлийн ИТХ хэрхэн ажиллаж байгаатай танилцаж, туршлага солилцох, уялдаа холбоог сайжруулах боломжийг судлахаар иржээ.