Орхон аймгийн ИТХ-ын ээлжит 5 дугаар хуралдаанаар аймгийн 2026 оны төсвийн орлого, зарлагыг 395 тэрбум 572,3 сая төгрөгөөр баталлаа. Орхон аймгийн төсвөөс улсын төсөвт төвлөрүүлэх орлого 92,6 тэрбум. 2026 оны төсөвт тусгасан онцлох ажлуудаас дурдвал, боловсролын салбарт

Орхон аймгийн ИТХ-ын Ээлжит бус 7 дугаар хуралдаанаар аймгийн 2026 оны хөгжлийн жилийн төлөвлөгөөг баталлаа. Тус төлөвлөгөөг дахин боловсруулахдаа аймгийн ИТХ-ын Хөгжлийн хороод, Төлөөлөгч, мэргэжлийн байгууллагуудаас ирүүлсэн есөн саналыг нэмж тусган, 26 арга хэмжээнд өөрчлөлт оруулж, төсвийн ерөнхийлөн 26 захирагчийн үр дүн, 56 хөтөлбөрийн үр дүнг тодорхойлон 185 арга хэмжээг хэрэгжүүлэхээр боловсруулжээ. Мөн Эрх зүй, нутгийн удирдлагын хөгжлийн хорооноос гаргасан саналын дагуу стратеги, үйлдэл, мэдээллийн эрсдэлийг тооцон боловсруулсан юм.

Улсын Их хурлын чуулганаар улсын төсвийн тодотгол эцэслэн батлагдсантай холбоотойгоор Орхон аймгийн 2025 оны төсвийн тодотголыг аймгийн ИТХ-ын ээлжит бус 6 дугаар хуралдаанаар хэлэлцэн баталлаа. Улсын төсөвт Орхон аймгийн төвлөрүүлэх орлогыг 36 тэрбум 846.4 сая төгрөгөөр бууруулж, орон нутгийн хөгжлийн нэгдсэн сангаас аймагт олгох орлогын шилжүүлгийг 12,5 тэрбум төгрөгөөр бууруулж улсын төсөвт тусган баталсан.

Орхон аймгийн Баяр наадмыг зохион байгуулах хороог аймгийн Засаг даргын орлогч Б.Мөнхдалай ахалж, нарийн бичгээр аймгийн ЗДТГ-ын Хууль, эрх зүйн хэлтсийн дарга М.Мөнхбаяр нар ажиллана. Хорооны бүрэлдэхүүнд чиг үүрэг бүхий төрийн байгууллагын дарга болон Орхон аймгийн бөх, хурдан морь, сур, шагайн харвааны мэргэжлийн холбоодын төлөөлөл гишүүдээр тус тус ажиллах юм.

Орхон аймгийн ИТХ-ын хуралдаанаар төсвийн орлогын эх үүсвэрийг нэмэгдүүлэх, тулгамдаж буй төсөл хөтөлбөрийн санхүүжилтийг БҮРЭН шийдвэрлэх, алдагдсан боломжийн өртгийг бууруулах, төсвийн үр ашигтай байдлыг нэмэгдүүлэх зорилгоор үнэт цаас буюу бонд гаргах асуудлыг хуралдаанд оролцсон Төлөөлөгчдийн 97 хувийн саналаар дэмжлээ.

Аймгийн ИТХ-ын ээлжит бус III хуралдаанаар Орхон аймгийн Засаг даргын үйл ажиллагааны хөтөлбөр, аймгийн 2025 оны төсвийг баталлаа. 2025 онд Орхон аймаг улсын төсөвт 145.3 тэрбум төгрөгийг төвлөрүүлж, 184.1 тэрбум төгрөгийн хөрөнгө оруулалтын ажил хийнэ. Аймгийн цахилгааны хангамжийг сайжруулах ажилд урьдчилсан тооцооллоор 77 тэрбум төгрөгийн хөрөнгө оруулалт шаардлагатай бөгөөд 2025 оны төсөвт 39,9 тэрбум төгрөгийн ажил хийхээр баталлаа.Цахилгаан эрчим хүчийг сайжруулах чиглэлээр 35 кВт-ын тойрог схем үүсгэх, цахилгаан дамжуулах агаарын шугам барих ажил хийгдэх бөгөөд уг ажил хийгдсэнээр гэр хорооллын Эрдэнэ, Чингэл, Дэнж, Яргуйт, Их залуу, Уртын гол, Цагаанчулуут, Рашаант, Даваат, Наран, Баянбулаг, Баянцагаан Булаг, Бүрэнбүст багийн 9812 хэрэглэгч хүчдэлийн уналтгүй болох боломж бүрдэх юм.

Орхон аймгийн иргэдийн Төлөөлөгчдийн Хурлын Анхдугаар, ээлжит, ээлжит бус хуралдааныг зохион байгуулах, хуралдаанаар асуудал хэлэлцэх, санал хураах, шийдвэр гаргахтай холбогдсон харилцааг зохицуулах Хуралдааны дэгийг шинэчлэн баталлаа. Цаашид хуралдаан тус бүрд дэг батлахгүйгээр бүх хурлын хуралдааны үед шинэчлэн баталсан дэгийг мөрдөж ажиллах юм.

Орхон аймгийн ИТХ-ын 9 дэх удаагийн сонгуулийн бүрэн эрхийн анхны Хурлын Зөвлөлийн гишүүдээр аймгийн ИТХ-ын төлөөлөгч Б.Мөнхдалай, С.Юмэнхүү, А.Бумансор, Э.Ариун-Эрдэнэ, Ч.Болор-Эрдэнэ, Ц.Оргилболд нар ажиллана. Аймгийн ИТХ-ын Зөвлөл нь хуралдааны шийдвэрийн биелэлтийг хангуулах, хуралдааны бэлтгэл хангах, хуралдаан хоорондын хугацаанд Хурлын хороо, ажлын хэсгийн үйл ажиллагааг уялдуулан зохицуулах үүрэгтэй юм.

Орхон аймгийн ИТХ-ын 9 дэх удаагийн сонгуулийн бүрэн эрхийн ээлжит бус I хуралдаан 11 дүгээр сарын 13-ны өдөр хуралдаж, 7 асуудлыг хэлэлцлээ.

Аймгийн ИТХ-ын сонгуулийн ес дэх удаагийн сонгуулийн бүрэн эрхийн эрхийн анхдугаар хуралдаан 2024 оны 10 дугаар 18-ны өдөр эхэлж ажлын ажлын хоёр өдөх хуралдаж өндөрлөлөө. Анхдугаар хуралдааны эхэнд Аймгийн сонгуулийн хорооны мэдээллийг сонсож, Орхон аймгийн ИТХ-ын сонгуульд сонгогчдоос хамгийн олон санал авсан 41 төлөөлөгчийн бүрэн эрхийг зөвшөөрлөө.

Аймгийн ИТХ-ын ээлжит 20 дугаар хуралдаанаар Иргэний зөвлөлийн зарим гишүүдийг чөлөөлж, Л.Чимэдмаа, Г.Ганхаш, С.Амаржаргал нарыг гурван жилийн хугацаатайгаар иргэний зөвлөлийн гишүүдээр томиллоо.

Орхон аймгийн баяр наадмыг Эрдэнэт хот, Эрдэнэт үйлдвэрийг бүтээн босгосон “Илгээлтийн эзэд-50” жилийн ойн нэрэмжит болгон хурдан морины Хангайн бүсийн уралдаантай хамтатган наймдугаар сарын 1-2-нд тэмдэглэхээр Засгийн газрын тогтоол гарсан. Үүнтэй холбоотойгоор аймгийн ИТХ-ын Ээлжит бус 16 дугаар хуралдаанаар Орхон аймгийн баяр наадмын хороог байгуулж, зардлын задаргааг баталлаа.

Аймгийн ИТХ-ын ээлжит 19 дүгээр хуралдаанаар аймгийн хөдөө, аж ахуйн салбарын 2024-2025 оны өвөлжилтийн бэлтгэл хангах ажлын төлөвлөгөөг баталлаа.

Эрдэнэт хотын 2024-2025 оны өвөлжилтийн бэлтгэл, Хөдөө аж ахуйн салбарын 2024-2025 оны өвөлжилт, хаваржилтын бэлтгэл хангах ажлын төлөвлөгөөг аймгийн ИТХ-ын ээлжит 19 дүгээр хуралдаанаар баталлаа.

Аймгийн ИТХ-ын ээлжит 18-р хуралдаанаар аймгийн ИТХ-ын Зөвлөлийн гишүүдийг шинэчлэн баталлаа. Зөвлөлийн гишүүдэд намын бүлгээс ирүүлсэн саналыг үндэслэн Эрдэнэчимэгийн Батжаргал, Бямбадашийн Зоригтбаяр, Хишигбаярын Оюун-Эрдэнэ, Пэрэнлэйн Ганзориг, Даваасүрэнгийн Ганболд, Ганболдын Ганзориг нарыг сонголоо. Мөн тус хурлаар аймгийн ИТХ-ын хорооны гишүүдийг шинэчлэн баталсан юм.

Аймгийн ИТХ-ын ээлжит 18-р хуралдаанаар Жендерийн эрх тэгш байдлыг хангах хөтөлбөрийг 2023 онд хэрэгжүүлсэн ажлын биелэлтийг хэлэлцэж, биелэлтийг 97 хувиар дүгнэлээ.

Орхон аймгийн ИТХ-ын ээлжит 18 дугаар хуралдаанаар орон нутгийн өмчит зарим байгууллагуудын дүрэм, бүтэц, орон тоонд нэмэлт өөрчлөлт орууллаа.

Орхон аймгийн ИТХ-ын ээлжит бус 14 дүгээр хуралдаан энэ сарын 20-ны өдөр хуралдаж, таван асуудлыг хэлэлцэн баталлаа. Төлөөлөгчдийн ирц 73.5 хувьтай байв.

Орхон аймгийн ИТХ-ын ээлжит 17 дугаар хуралдаанаар Орхон аймгийг хөгжүүлэх таван жилийн үндсэн чиглэл, Засаг даргын дөрвөн жилийн мөрийн хөтөлбөрийн биелэлт, Газрын харилцааны талаар 2023 онд баримтлах үйл ажиллагааны чиглэлийн биелэлт, 2024 онд баримтлах үйл ажиллагааны чиглэл батлах, аймгийн 2023 оны төсвийн урьдчилсан гүйцэтгэл, аймгийн 2024 оны төсөв батлах, орлогод нийцсэн орон сууцны журамд нэмэлт өөрчлөлт оруулах зэрэг асуудлуудыг тус тус хэлэлцлээ.

Орхон аймгийн ИТХ-ын ээлжит бус XIII хуралдаан өнөөдөр /2023.11.08/ хуралдаж таван асуудлыг хэлэлцэн баталлаа. Тодруулбал, Орхон аймагт 2024 онд цэргийн дүйцүүлэх алба хаах иргэдийн тоог 20, 2024 онд ойгоос бэлтгэх модны дээд хэмжээг ойн цэвэрлэгээний ажлаар хэрэглээний хуурай шинэс мод 100 шоо метр, түлээний шинэс мод 800 шоо метр байхаар баталлаа. Мөн өөрийн эзэмшиж буй газраа өмчлөх хүсэлт гаргасан 449 иргэнд 32,42 га газрыг өмчлүүлэх байршил хэмжээг баталсан юм.