Жил бүрийн 9 дүгээр сарын 10-ны өдрийг Улс төрийн хилс хэрэгт хэлмэгдэгсдийн дурсгалыг хүндэтгэн тэмдэглэн өнгөрүүлдэг бөгөөд өнөөдөр Орхон аймгийн Цагаатгах ажлыг удирдан зохион байгуулах салбар комиссоос Орхон аймагт бүртгэлтэй улс төрийн хилс хэрэгт хэлмэгдэгсдийн үр хүүхэд, ач зээ нарын төлөөлөлтэй уулзаж, мэдээлэл өглөө. Мөн тэдний санал хүсэлтийг хүлээн авсан бөгөөд хэлмэгдэгсдийн үр хүүхэд, ач зээ нарын төлөөллөөс Цагаатгах ажлыг удирдан зохион байгуулах улсын комиссыг Орхон аймагт ажиллуулах, иргэдийн өргөдөл, гомдлын шийдвэрлэлтэд анхаарлаа хандуулах шаардлага бийг онцолж байлаа. Орхон аймагт улс төрийн хилс хэрэгт хэлмэгдэгсдийн үр хүүхэд, ач зээ нарын төлөөлөл 95 хүн бүртгэлтэй байдаг бөгөөд өнөөдөр тэдний төлөөлөлтэй уулзаж, санал хүсэлтийг нь сонслоо.

Та бүхэн линкээр орж саналаа өгнө үү.

Улс төрийн хилс хэрэгт хэлмэгдэгсдийн дурсгалыг хүндэтгэлээ

Улс төрийн хилс хэрэгт хэлмэгдэгчдийн дурсгалыг хүндэтгэн өнгөрүүлэх өдөр буюу 2025 оны 9 дүгээр сарын 10-ны өдөр Орхон аймгийн Цагаатгах ажлыг удирдан зохион байгуулах салбар комиссоос дараах ажил, арга хэмжээг зохион байгуулна.

Орхон аймгийн Цагаатгах ажлыг удирдан зохион байгуулах салбар комиссын анхдугаар хуралдаанаар 2025 оны төлөвлөгөөгөө хэлэлцэн баталлаа.

Орхон аймгийн ЦАУЗБСК-ын 2024 оны анхдугаар хуралдаан 01 дүгээр сарын 09-ний өдөр хуралдаж 2024 онд 3 зорилт 10 арга хэмжээг хэрэгжүүлэхээр төлөвлөгөөг баталлаа.

Улс төрийн хилс хэрэгт хэлмэгдэгчдийг цагаатгах, тэдэнд нөхөн олговор олгох тухай хуулийн төсөлд оруулах санал

Орхон аймгийн ЦАУЗБСК-ын II хуралдаан өнөөдөр хуралдаж Улс төрийн хилс хэрэгт хэлмэгдэгсдийн дурсгалд зориулсан “Ногоон төгөл”-ийн тохижилт, цэцэрлэгжүүлэлтийн ажлыг эрчимжүүлж зураг, төсөв хийлгэн ирэх 9 дүгээр сард хаягжилт, тохижилт, хашаалах ажлыг дуусгах чиглэл өглөө.

Жил бүрийн есдүгээр сарын 10-нд улс төрийн хилс хэрэгт хэлмэгдэгсдийн дурсгалыг хүндэтгэх арга хэмжээг Орхон аймгийн ЦАУЗБК-оос зохион байгуулдаг билээ.

Орхон аймгийн Цагаатгах ажлыг удирдан зохион байгуулах салбар комиссоос Монгол улсын Ерөнхийлөгчийн санаачилгаар хэрэгжүүлж буй “Тэрбум мод” үндэсний хөдөлгөөний хүрээнд хэлмэгдэгчдийн дурсгалд зориулан наадмын талбайн баруун урд “Ногоон төгөл” бий болгож, хэлмэгдэгчдийн үр хүүхэд, ач зээ нарын төлөөлөл 108 мод тарьлаа.

Энэ жилийн хувьд Ковидын нөхцөл байдлаас хамаарч Улс төрийн хилс хэрэгт хэлмэгдэгсэд, тэдний үр хүүхэд, ач зээ нарын төлөөлөлд нөхөн олговорыг энэ жил дансаар шилжүүлээд байна. Сүм, хийдүүдэд Ковидын нөхцөл байдлыг харгалзан олон нийтийг хамруулахгүйгээр буяны ном хуруулах, Аймгийн хэмжээнд хөдөлгөөнд оролцож буй авто тээврийн хэрэгслүүдийн гэрлийг асаалгаж хүндэтгэл үзүүлэх, ЕБС-ийн сурагчид, МСҮТ-ийн оюутан залуучуудад “Улс төрийн хэлмэгдүүлэлт, шалтгаан, үр дагавар, сургамж” сэдвээр мэдээлэл хийж, цахим хичээл орлоо.

Цагаатгалын алба