1. Аймгийн эдийн засаг, нийгмийг 2016 онд хөгжүүлэх үндсэн чиглэлийн
урьдчилсан гүйцэтгэл, 2017 онд аймгийн эдийн засаг нийгмийг хөгжүүлэх
үндсэн чиглэлийн төслийн тухай
2. 2017 оны төсвийн төслийн тухай
3. Аймгийн хэмжээнд газрын харилцааны талаар 2016 онд хэрэгжүүлсэн арга
хэмжээний тайлан, 2017 онд баримтлах үйл ажиллагааны чиглэлийн тухай
4. Аймгийн ИТХ-ын байгуулагын 2016 онд хийсэн ажлын тайлан
5. Хороон дарга сонгох тухай асуудлаар хэлэлцлээ.
Хуралдааны
эхэнд аймгийн эдийн засаг, нийгмийг 2016 онд хөгжүүлэх үндсэн чиглэлийн
урьдчилсан гүйцэтгэл, 2017 онд аймгийн эдийн засаг нийгмийг хөгжүүлэх
үндсэн чиглэлийн төслийн тухай аймгийн Засаг дарга Д.Батлут танилцуулж
хэлэлцүүлсэн.
Төсөлд
хүний хөгжлийн асуудлыг түлхүү анхаарч, эрүүл мэнд боловсрол, иргэдийн
аюулгүй орчинд амьдрах нөхцөлд чиглэсэн 5 бүлэг 66 зорилтод ажил орсоныг
хэлж байлаа. Илтгэлийг хэлэлцээд аймгийн Иргэдийн Төлөөлөгчдийн
хурлаас Аймгийн эдийн засаг нийгмийг 2017 онд хөгжүүлэх үндсэн чиглэлийг
баталж, Аймгийн эдийн засаг нийгмийг 2017 онд хөгжүүлэх үндсэн
чиглэлийг хэрэгжүүлэх ажлыг аймаг, сумын Засаг даргын үйл ажиллагааны
хөтөлбөртэй уялдуулан зохион байгуулах, Үндсэн чиглэлийн хэрэгжилтийг
хагас бүтэн жилээр дүгнэн аймгийн Иргэдийн Төлөөлөгчдийн хуралд
тайлагнаж байхыг аймгийн Засаг дарга бөгөөд Эрдэнэт хотын захирагч
Д.Батлутад даалгалаа.
Аймгийн ИТХ-ын Ээлжит IV хуралдаанаар 2017 оны төсвийн төслийн тухай хэлэлцсэн. Төсвийн төслийг аймгийн Засаг дарга Батлут танилцуулж хэлэлцүүлсэн. Аймгийн төсвийн нийт орлогыг 41.7 тэрбум төгрөгөөр баталсанаас төсвийн суурь орлогыг 37,9 тэрбум төгрөгөөр баталж, аймгийн 2017 оны төсөвт төсвийн Өмчийн харилцааны газар Байгаль, орчин аялал жуулчлалын газар Сум дундын ойн анги Ерөнхий боловсролын сургууль зэрэг ерөнхийлөн захирагч, түүний харьяа байгууллага, бусад байгууллагын төвлөрүүлэх орлогын хэмжээг 214,7 сая төгрөгөөр баталсан. Мөн аймгийн 2017 оны төсвийн суурь зардлыг 47,6 тэрбум төгрөгөөр баталж улсын төсөвт 12,5 тэрбум төгрөг тэгшитгэн төвлөрүүлэхээр баталсан.
Төсвийн тухай хуулийн дагуу 2017 оны төсөвт Засгийн газрын зарим чиг
үүргийг орон нутагт төлөөлөн хэрэгжүүлэх үүднээс Хүүхдийн цэцэрлэг,
Ерөнхий боловсролын сургууль, сумын эмнэлэг, биеийн тамир спортын газар
зэрэг тусгай зориулалтын шилжүүлгээр 32,9 тэрбум төгрөгийн төсөв
батлагдан зарцуулагдахаар шилжин ирсэн байна.
