Аймгийн ИТХ-ын тэргүүлэгчдийн 3-р сарын 16-ны өдрийн хуралдаанаар Аймгийн ИТХ-ын ээлжит XXIII хуралдааныг зарлах тухай асуудлыг хэлэлцэж баталсан. Монгол улсын Засаг захиргаа, нутаг дэвсгэрийн нэгж, түүний удирдлагын тухай хуулийн 23 дугаар зүйлийн 23.4 дэх заалтыг үндэслэн Аймгийн ИТХ-ын 6 дахь удаагийн сонгуулийн Ээлжит XXIII хуралдааныг 2015 оны 3 дугаар сарын 31-ний өдөр зарлан хуралдуулж дараах асуудал хэлэлцэхээр болсон.
- Зорилт дэвшүүлэх тухай
- Аймгийн эдийн засаг, нийгмийг 2015 онд хөгжүүлэх үндсэн чиглэлд зарим өөрчлөлт оруулах тухай
- Бусад
Мөн тэргүүлэгчдийн хуралдаанаар “Иргэн төвтэй төрийн үйлчилгээ” хөтөлбөрийг хэрэгжүүлэх арга хэмжээний хэрэгжилтийн явцын тухай, “Боловсрол, эрүүл мэнд, спорт, соёл урлагийн салбарын дэмжлэгийн сан”-гийн дүрэм, удирдах зөвлөлийг шинэчлэн батлах тухай, шагналд тодорхойлох тухай гэсэн асуудлуудыг хэлэлцлээ.