Монгол ардын болон гавъяат багш нарын зөвлөн туслах баг Баян-Өлгий аймагт ажиллана.
Монгол ардын болон гавъяат багш нарын бүрэлдэхүүнтэй “Менежментийн зөвлөн туслах баг” Баян-Өлгий аймагт 2025 оны 1-р сарын 8-наас 1-р сарын 23 хүртэл ажиллахаар боллоо.
Зорилго:
Энэхүү багийн зорилго нь аймгийн боловсролын газрын мэргэжилтнүүд, ерөнхий боловсролын сургуулийн удирдах ажилтнууд, нийгмийн ажилтнуудад сургуулийн менежментийг дэмжих арга зүйн мэдлэг, ойлголтыг нэгтгэх, мөн багш, удирдах ажилтнуудыг хөгжүүлэхэд дэмжлэг үзүүлэхэд оршино.
Зөвлөн туслах баг нь:
1. Ерөнхий боловсролын сургуулиудын бодлого, үйл ажиллагаа, нөхцөл байдалтай танилцана
2. Сургуулийн өнөөгийн байдал, тулгамдаж буй асуудлын талаар сургуулийн удирдлага, багш нартай уулзалт, ярилцлага хийнэ
3. Сургуулийн өөрийн удирдлага, мэргэжил, аргазүй болон төлөөлөл(Сургуулийн зөвлөл, эцэг эхийн зөвлөл, ахлах ангийн сурагчдын зөвлөл) ийн үйл ажиллагааны төлөвлөлт, хоорондын хамтын ажиллагаа, уялдаа холбоо үр дүнтэй танилцана
4. Багш нарын сургалтын арга зүй, хичээлийн хөтөлбөр, төлөвлөлтийн хэрэгжилттэй танилцаж дэмжлэг үзүүлнэ
5. Сургуулийн анги, танхим болон сургуулийн орчин, нөхцөлтэй танилцах, сургалтын таатай орчин бий болгох чиглэлээр зөвлөн тусална
6. Сургуулийн удирдах багийг чадавхжуулах сургалт зохион байгуулж, үйл ажиллагаанд нь зөвлөгөө өгнө
7. Нэгдсэн тайлан бичиж, боловсролын яам, БЕГ, Аймгийн ИТХ, Засаг дарга, Боловсролын газар, ЕБС-уудын түвшинд зохион байгуулах, хэрэгжүүлэх ажлын талаар санал, зөвлөмж гаргана
Энэ асуудлаар ИТХ-ын дарга А.Бегарыс Баян-Өлгий аймгийн Боловсролын газрын дарга С.Хонавтай уулзаж, энэхүү сургалтын бэлтгэл ажлыг хангах үүрэг чиглэл өглөө.
Зөвлөн туслах багийн бүрэлдэхүүн:
1. Сэнгээгийн Марта
• Түүх, нийгмийн ухааны багш
• МУГБ
• Түүх ухааны доктор, Ph
• Үндэсний сургагч багш
2. Цэрэндоржийн Гэлэгжамц
• Математикийн багш
• МУГБ
• Боловсрол судлалын доктор, Ph, профессор
3. Зоригтын Байгалмаа
• Орос-Англи хэлний багш
• МУГБ
• Үндэсний сургагч багш
4. Гомбодоржийн Хоролсүрэн
• Монгол хэлний багш
• МУГБ
5. Намралын Батбаяр
• Технологийн багш
• МУГБ
6. Цэвэгсүрэнгийн Гүррагчаа
• Хими, биологийн багш
• МУГБ
Энэхүү сургалт, зөвлөн туслалцаа нь Баян-Өлгий аймгийн боловсролын байгууллагуудад чанартай дэмжлэг үзүүлэхээс гадна цаашдын хөгжлийг тодорхойлох чухал үйл ажиллагаа болно гэж үзэж байна.
