Монгол улсын Төрийн албаны тухай хуулийн дагуу Төрийн жинхэнэ албан хаагчийн тангараг өргөх ёслол боллоо. Ёслолд Баян-Өндөр сумын ИТХ, Эрүүл мэндийн газар, Татварын хэлтэс, Багийн ажлын алба зэрэг 8 байгууллагын 39 албан хаагч оролцож Монгол Улсын Үндсэн хууль, бусад хуулийг чандлан баримталж, үндэсний язгуур ашиг сонирхолд захирагдан, ард түмэндээ үйлчилж, төрд чин үнэнчээр зүтгэж, хариуцлагатай ажиллахаа тангараглалаа.

Орхон аймгийн хэмжээнд 4200 гаруй төрийн албан хаагчид ажиллаж байгаа бөгөөд төрийн албаны ерөнхий, тусгай шалгалт, туршилтын хугацаа зэрэг босгыг давж, албан ёсоор жинхэлж, “ТАНГАРАГ”-аа өргөж байна.  

Аймгийн ИТХ, ЗД-ын нэрэмжит шагналаар шагналаа

Үндэсний их баяр наадмыг тохиолдуулан Монгол улсын Засгийн газрын шагнал, Аймгийн ИТХ-ын дээд шагнал “Иргэний төлөө” медаль, “Хүндэт жуух” бичиг, аймгийн Засаг даргын “Жуух бичиг-”ээр төрөлх Орхон аймаг, Эрдэнэт хотынхоо бүтээн байгуулалт, хөгжил, цэцэглэлт, хүн ардынхаа тав тухтай сайн сайхан амьдралыг цогцлоох, үйлсэд өөрийн бодит хувь нэмрээ оруулж, идэвх санаачилга, үр бүтээлтэй ажиллаж байгаа 80 гаруй албан хаагчийг шагналаа.