Аймгийн иргэдийн Төлөөлөгчдийн хурлын Ээлжит бус II хуралдаанаар “Орхон аймаг, Эрдэнэт хотыг 2021-2025 онд хөгжүүлэх таван жилийн үндсэн чиглэл”-ийн найман бүлэг, 32 зорилт, 165 арга хэмжээг 106 шалгуур, 119 үзүүлэлтээр хэмжиж, хүрэх түвшинг тодорхойлохоор хэлэлцэж баталлаа.
Тодруулбал,
- Үндэсний нэгдмэл үнэт зүйл бүлгийн гурван зорилтыг найман шалгуур үзүүлэлтээр
- Эрүүл, бүтээлч, хөгжих тэмүүлэлтэй - Эрдэнэт хүн бүлгийн таван зорилтыг 29 шалгуур 31 үзүүлэлтээр
- Амьдралын чанар ба дундаж давхарга бүлгийн таван зорилтыг 18 шалгуур үзүүлэлтээр
- Эдийн засаг бүлгийн дөрвөн зорилтыг найман шалгуураар
- Тогтвортой засаглал - Эрдэнэт хүч бүлгийн гурван зорилтыг таван шалгуур үзүүлэлтээр
- Аюулгүй, амар тайван - Эрдэнэт хот бүлгийн гурван зорилтыг есөн шалгуур үзүүлэлтээр
- Ногоон- Эрдэнэт хот бүлгийн дөрвөн зорилтыг 14 шалгуур үзүүлэлтээр
- Тогтвортой хөгжил- Эрдэнэт хот зэрэг бүлгийн таван зорилтыг 17 шалгуур, 25 үзүүлэлтээр тус тус хяналт-шинжилгээ, үнэлгээг хийж хүрэх түвшинг тооцож, хэрэгжилтийн хувийг тухай бүрт тооцоолон гаргах юм.