Монгол
улсын Ерөнхийлөгчийн зарлигаар төрийн дээд одон, медаль гардуулах
ёслолын ажиллагаа өнөөдөр аймгийн төрийн Хүндэтгэлийн өргөөнд боллоо.
Тулгар төрийн 2227 жил, Их Монгол Улс байгуулагдсаны 812 жил, Монгол
цэргийн өдөр-Зэвсэгт хүчний 97 жилийн ой, Казак түмний Науризын баяр
болон Олон Улсын эмэгтэйчүүдийн эрхийг хамгаалах өдрийг тохиолдуулан
эрхэлсэн ажилдаа олон жил үр бүтээлтэй ажилласан хүмүүст Төрийн дээд
одон медаль, Засгийн газрын шагналыг аймгийн Засаг дарга Д.Батлут, Засаг
даргын орлогч А.Түвшинжаргал нар гардуулан өглөө.
Монгол улсын Ерөнхийлөгчийн зарлигийг аймгийн ИТХ-ын нарийн бичгийн дарга Д.Эрдэнэцэцэг уншиж танилцуулсанаар төрийн дээд одон медаль, засгийн газрын шагнал гардуулах ёслолын ажиллагаа эхэлсэн юм.
Монгол улсын төрийн дээд одон, медаль "Хөдөлмөрийн гавъяаны улаан тугийн одон"-оор 2, "Алтан гадас одон"-оор 12, "Хөдөлмөрийн хүндэт медаль"-аар 2 иргэн энгэрээ мялаалаа.
Мөн Монгол улсын Засгийн газрын шагнал ХХААЯ-ны “Тэргүүний ажилтан”-аар 2, Жуух бичиг 1, Зам тээврийн яамны шагналаар 10, “Эрүүл мэндийн тэргүүний ажилтан” цол тэмдэгээр 8 иргэн шагнагдлаа.
